GIG COMEDI KIRI – ELW O £2,762!

Rydym wrth ein bodd yn cyhoeddi bod Gig Comedi Kiri ym mis Gorffennaf 2025 wedi gwneud £2,762.88 gwych! Roedd hyn yn cynnwys £2,294.29 ar werthiannau tocynnau a £468.59 anferth ar y raffl (gwobrau a ddarparwyd yn garedig gan Kiri).

Roedd y lleoliad yn llawn dop a chawsom ein diddanu’n wych gan dri digrifwr anhygoel, gyda Kiri yn gyflwynydd doniol iawn.
Diolch yn fawr iawn i bob un ohonoch a ddaeth i gefnogi Croeso Menai.

Mae’r cyfanswm hwn yn golygu ein bod wedi cyrraedd ein cyfanswm o £9,000 a gallwn nawr wneud cais am gymeradwyaeth gan y Swyddfa Gartref i ddod â theulu o Affganistan i loches ym Mangor.

Rydym yn gobeithio cael newyddion am groesawu’r teulu tua diwedd y flwyddyn hon.

##################################################

YNGHYLCH NODDI CYMUNEDOL I FFOADURIAID
Noddi Cymunedol yw un o unig ffyrdd cyfreithlon Swyddfa Gartref y DU i ffoaduriaid ddod i mewn i’r DU. Mae’n ffordd i gymunedau lleol, mudiadau cymdeithas sifil, elusennau, a grwpiau ffydd ymwneud yn uniongyrchol â chynorthwyo ffoaduriaid i gael noddfa yn y DU. Mae noddwyr cymunedol yn darparu cefnogaeth ymarferol ac emosiynol i roi’r grym i deuluoedd ailadeiladu eu bywydau yn ddiogel, ac i ddod yn aelodau hunangynhaliol o’r gymuned newydd.

Ers 2018 mae Croeso Menai wedi noddi dau deulu bregus sydd wedi cychwyn bywydau newydd yng Nghymru, un o Syria ac un o Irac.

I gael rhagor o wybodaeth:

https://www.resetuk.org/whats-community-sponsorship/

TÎM 3 CROESO MENAI (CM3)
Mae Croeso Menai yn gweithio gyda’r Swyddfa Gartref ac elusen sy’n Noddwr Arweiniol sy’n arbenigo mewn Noddi Cymunedol i groesawu teulu. Mae CM3 yn cynnwys gwirfoddolwyr lleol sy’n cynnwyd dwy wraig Affganaidd. Mae’r ddwy yn byw ym Mangor ar ôl derbyn caniatâd i ddod i’r DU ar ôl ffoi o Affganistan. Roedd Khatera yn ddarlithydd mewn prifysgol yn Affganistan ac mae bellach yn gwneud doethuriaeth, ac mae Zakia yn gobeithio hyfforddi fel bydwraig. Gyda Khatera a Zakia yn aelodau o’r tîm mae Croeso Menai yn bwriadu rhoi cartref i deulu o Affganistan sy’n cynnwys menywod a merched, gan newid eu rhagolygon drwy gael mynediad at addysg.

Ein tasg gyntaf yw hel cronfa o £9,000 i’w ddefnyddio ar gyfer y costau sy’n gysylltiedig â darparu cartref i’r teulu o ffoaduriaid. Mae tŷ sydd wedi’i rentu gan landlord preifat, yn cael ei baratoi drwy gyfraniadau hael o ddodrefn a deunyddiau cartref. Rydym wedi codi hanner yr arian sydd ei angen arnom yn barod ac rydym yn gobeithio dod â theulu i Ogledd Cymru erbyn diwedd y flwyddyn.

Drwy gefnogi gig comedi Kiri, byddwch yn helpu teulu Affganaidd i gael noddfa yng Ngogledd Cymru.

CYFRANNU AT CROESO MENAI
Os hoffech gyfrannu at Groeso Menai, gallwch wneud hynny gan ddefnyddio’r cod QR neu drwy drosglwyddiad banc.

Cyfeiriwch eich rhodd gyda CM3 a’ch enw.

Anfonwch e-bost atom am ffurflen rhodd cymorth.

Diolch yn fawr!

Croeso Menai
NatWest
51-61-28
77977629

Ni fydd helpu un teulu yn newid y byd

ond bydd yn newid byd un teulu